usne sukuut-e-shab meN bhii apnaa payaam rakh diyaa
Page 1 of 1
usne sukuut-e-shab meN bhii apnaa payaam rakh diyaa
usne sukuut-e-shab meN bhii apnaa payaam rakh diyaa
hijr kii raat baam par maah-e-tamaam rakh diyaa
(sukuut-e-shab : silence of night; baam : terrace)
aamad-e-dost kii naviid kuu-e-vafaa meN aam thii
maiN ne bhii ik chiraaG saa dil sar-e-shaam rakh diyaa
(aamad-e-dost : arrival of friend; naviid : good news)
shiddat-e-tishnagii meN bhii Ghairat-e-maikashii rahii
us ne jo pher lii nazar maiN ne bhii jaam rakh diyaa
(shiddat-e-tishnagii : intensity of thirst; Ghairat : pride; maikashii : drinking)
dekho ye mere Khvaab the dekho ye mere zaKhm haiN
maiN ne to sab hisaab-e-jaaN barsar-e-aam rakh diyaa
(barsar-e-aam : in public)
us ne nazar nazar meN hii aise bhale suKhan kahe
maiN ne to us ke paaNv meN saaraa kalaam rakh diyaa
aur “Faraz” chaahiiye kitanii muhabbateN tujhe
ke maaoN ne tere naam par bachchoN ka naam rakh diyaa
Ahmed Faraz
BeYoNd LiMiTs- ~^U.S.W JUNIOR MEMBER^~
- Gender : Zodiac : Posts : 219
Birthday : 1990-06-02
Join date : 2009-10-21
Age : 33
Location : in ur thinking
Job/hobbies : Teasing people
Similar topics
» Itna hi yaad rakh mujhe
» shola-e-ishq bujhaanaa bhii nahiiN chaahtaa hai
» gurez e shab se
» HIJR KI SHAB
» zikr-e-shab-e-firaq se wahashat use bhi thi
» shola-e-ishq bujhaanaa bhii nahiiN chaahtaa hai
» gurez e shab se
» HIJR KI SHAB
» zikr-e-shab-e-firaq se wahashat use bhi thi
Page 1 of 1
Permissions in this forum:
You cannot reply to topics in this forum
|
|