itnay Bakht Achay Thay,Mujh Pay Tera Chayaa Tha

by **NOOR** Sat Dec 05, 2009 5:01 am

itnay Bakht Achay Thay,Mujh Pay Tera Chayaa Tha
Jub Tu Kachi Dhoop Mai, Mujh Se Milnay Ayaa Tha

Soraj Mujh Se Baghi Tha, Chaand Mujh Se Nalaa'n Tha
Aag Jiasay Us Mousam Mai, Tera Mujh Pay Sayaa Tha

Ab Bhi Timtimata Hai, Khawaab Naye Dekhata Hai
Mujh Mai Us Ne Shub-e-Wasal Jo Ik Diya Jalaya Tha

Bakht Kay Sitaray Ko Ouj Us Ne Bakhshi Thi
Zard Hotay Mousam Mai,Surkh Gulaab Wo Layaa Tha

Sirnagoo'n Thay Sir Jitnay, Ajj Bhi Wo Jeetay Hain
Hum He Kitnay Pagal Thay, Hum Ne Sir Othayaa Tha

Hajoom-e-Gum Ki Zud Mai Tha, Kab Talak Sambhalta Mai
Mai Ne Apnay Hathoon Se, Apna Gher Jalaya Tha

Shafq Hotay Hontoon Pay, Chandni Ki Kirnain Theen
Sard Hotay Mousam Mai, Jub Wo Muskuraya Tha

Abb Bhi Ba-yaanbaa'n Ka Sakoot, Teri Rah Takta Hai
Bichertay Sammay Tum Se Jo Bohat Dair Chelaaya Tha

Abbloo'n Ki Hum Se Ab Be-Panha Shanasi Hai
Us Ne Phir Milnay Ko, Sehra Mai Bulayaa Tha

Ajab Wehum Ab Bhi Mujh Mai Roz Gungunatay Hain
"Kash" Dum-e-Rukhsat Us Ne, Hath Kiyon Hilaya Tha??